“კრემლმა უკან დაიხია. ახლა მთავარია ბოლომდე მივაწვეთ”, – ამის შესახებ “ევროპული საქართველოს” ერთ-ერთი ლიდერი, გიგი უგულავა სოციალურ ქსელში წერს, რითაც ნატალია ილიჩვასა და ივერი მელაშვილის გირაოს სანაცვლოდ გათავისუფლებას ეხმაურება.
უგულავა კარტოგრაფების გათავისუფლებაში “მოქალაქეების” წვლილს ვერ ხედავს და აცხადებს, რომ ელისაშვილს სხდომაზე ლაპარაკიც კი აუკრძალეს.
“ლუსტრაცია გრძელდება! ყოფილმა გირჩმა აწ უკვე ქლიავების პარტიამ ოცნებას მოუწოდა არ ეყარა კენჭი უფლებამოსილების შეწყვეტისთვის – სადაა მეგობრებო არჩევანის თავისუფლება, კონსტიტუციის პატივისცემა. მერე, ელჩი ჰარცელის მუქარამ, რომ ფასილიტაციიდან ელჩები გავიდოდნენ, ქოცები დააპანიკა, ახალ ქოცებსაც უტყდებოდათ კენჭისყრა. აირია ქოცისტანი და კენჭისყრა ჩააგდეს. ერთი ადგილი არ ეყოთ, მუხლები აუკანკალდათ, მარტო დარჩენის შეეშინდათ და რაც გაქაჩეს ესაა – ელისაშვილს გაყალბებაზე ლაპარაკი აუკრძალეს, მანაც მორჩილად ცხვირი დახარა. ბოიკოტი კი გრძელდება, მოთხოვნები უცვლელია: რიგგარეშე არჩევნები და გიორგი რურუას განთავისუფლება. ბოიკოტი მუშაობს – გარეთაა დანარჩენი პოლიტპატიმრები. ერთი სიტყვით, როგორც ეროვნული მოძრაობის დროს ამბობდნენ – კრემლმა უკან დაიხია. ახლა მთავარია ბოლომდე მივაწვეთ”, – წერს გიგი უგულავა.
თუ არჩევნები გაყალბდა, აქ რას აკეთებთ? – თეა წულუკიანი ალეკო ელისაშვილს
