გიორგი გაბუნიას ადვოკატი რუსი დეპუტატის, ალექსანდრ შერინის განცხადებას ეხმაურება და ამბობს, რომ რუსული კანონმდებლობით გიორგი გაბუნიას დასჯა აბსურდია. ამის შესახებ მან ჟურნალისტებთან საუბრისას განაცხადა.
მისი თქმით, კონკრეტულად ამ განცხადებას არ იცნობს, თუმცა ზოგადი შეფასება აქვს.
„სავარაუდოდ, ეს განცხადება გაკეთდა მაშინ, როცა მე სასამართლო პროცესზე ვიმყოფებოდი. თუ ზოგადად გაინტერესებთ ჩემი შეფასება, ცხადია, რომ ხელისუფლების წარმომადგენელთა შეურაცხყოფა არცერთ დემოკრატიულ სახელმწიფოში დასჯადი არ არის. მით უმეტეს, რუსული კანონმდებლობით გიორგი გაბუნიას დასჯა, სრულიად აბსურდია”, – განაცხადა დიმიტრი საძაგლიშვილმა.
ცნობისთვის, რუსეთის დუმის დეპუტატი, ალექსანდრ შერინი გიორგი გაბუნიას რუსული კანონმდებლობით დასჯას ითხოვს. შერინის თქმით, გამოძიება ქართველი ჟურნალისტის წინააღმდეგ მოსკოვში ხელისუფლების წარმომადგენლის შეურაცხყოფის მუხლით უნდა დაიწყოს.
