ბელარუსის ოპოზიციის სამი წარმომადგენელი – სვეტლანა ტიხანოვსკაია, მარია კოლესნიკოვა და ვერონიკა ცეპკალო 2021 წლის ნობელის პრემიაზე მშვიდობის დარგში წარადგინეს.
ინფორმაციას ნორვეგიული გამოცემა Vart Land-ი ავრცელებს.
გამოცემის ცნობით, აღნიშნულის შესახებ ნორვეგიის პარლამენტის დეპუტატმა გეირ ტოსკედალმა განაცხადა. მისი თქმით, ოპოზიციონერებმა ეს ჯილდო „სამართლიანი არჩვენებისთვის ბრძოლით“ დაიმსახურეს.
შეგახსენებთ, რომ ტიხანოვსკაია, კოლესნიკოვა და ცეპკალო ალექსანდრ ლუკაშენკოსთან ბრძოლაში ე.წ. „ქალთა ტრიუმვირატს“ წარმოადგენდენ. ქვეყანაში 9 აგვისტოს ჩატარებული არჩევნების შემდეგ ტიხანოვსკაიამ და ცეპკალომ ზეწოლის გამო ბელარუსი დატოვეს, კოლესნიკოვა კი ძალაუფლების შეცვლისკენ მოწოდების ბრალდებითაა დაკავებული.
