„ნაციონალური მოძრაობის“ წევრი ხატია დეკანოიძე ამომრჩევლებს მოუწოდებს არ მივიდნენ საარჩევნო უბნებზე და არ მიიღონ მონაწილეობა საპარლამენტო არჩევნების მეორე ტურში.

მისი თქმით, „ნაციონალური მოძრაობა“ მეორე ტურში“ მონაწილეობას არ მიიღებს.

„ჩვენ გესაუბრებით ჩვენი პარტიის და ბლოკის მეორე ტურში გადასული ყველა მაჟორიტარის სახელით. მე მინდა მოვუწოდო ყველას, მათ შორის ჩემს ამომრჩეველს ისანში, იმ არჩევნებს, რომელიც ბიძინა ივანიშვილმა წაართვა ადამიანებს, ჩვენს მოქალაქეებს, წაართვა ყველაზე დიდი – უზენაესი კონსტიტუციით მინიჭებული ხმის უფლება, არ მივიდნენ და თვითონაც გამოუცხადონ ბოიკოტი. ჩენ არ ვიღებთ მეორე ტურებში მონაწილეობას, დავწერეთ ყველამ განცხადებები. ამიტომ ჩვენო ძვირფასო ამომრჩეველო არ მიბრძანდეთ, არ მიიღოთ მონაწილეობა იმიტომ, რომ ეს არ არის არჩევნები, ეს არის ჩვეულებრივი კრიმინალური აქტი, რომელიც განახორციელა ოლიგარქიულმა ხელისუფლებამ 31 ოქტომბერს“, – განაცხადა ხატია დეკანოიძემ პარტიის ოფისში გამართულ ბრიფინგზე.