ფინანსთა მინისტრი, ივანე მაჭავარიანი ტურიზმთან დაკავშირებით საუბრობს და ამბობს, რომ ეპიდემიის გავრცელებას დიდი რაოდენობა არ სჭირდება, 500 კაცი კი ტურიზმს არ ეყოფა.
„ჩვენი ტურიზმის ლომის წილი არის ტურისტებისგან შემოსავლები მეზობელი ქვეყნებიდან – სახმელეთო კვეთით შემოსული ტურისტები 80%. ამას ჯერ ვერ ვხსნით, დანარჩენი წილი იყო მეზობელი ქვეყნებიდან ფრენები, მცირედი წილი იყო ფრენებით ევროპელი ტურისტებისგან, თუმცა მზარდი.
ისედაც პატარა ნაწილი იყო. ახლა კიდევ უფრო დაბალი რაოდენობა შემოვა. ეპიდემიოლოგიური რისკი მათ მოყვებათ. ვნახოთ ეს ერთი თვე როგორ განვითარდება. ეპიდემიის გავრცელებას არ სჭირდება დიდი რაოდენობა, 500 კაცი ეყოფა, ტურიზმს კი ეს რაოდენობა არ ჰყოფნის“,- განაცხადა მაჭავარიანმა.
გუშინ ცნობილი გახდა, რომ საერთაშორისო ფრენები ივლისის ბოლომდე გადავადდება.
