ნაციონალური მოძრაობის ერთ-ერთი წევრი, ჟურნალისტი ნანუკა ჟორჟოლიანი დაუმორჩილებლობას აცხადებს და რუსთაველის გამზირზე, აქციაზე 22:00 საათის შემდეგ რჩება.
ის უერთდება იმ აქტივისტების ნაწილს, რომელიც გადაადგილების შეზღუდვას არ ემორჩილება.
“ინდივიდუალური გადაწყვეტილებით, მე აქციაზე ვრჩები 22:00 საათის შემდეგ, აქ რჩებიან ახალგაზრდები და პატივს ვცემთ თითოეული თქვენგანის გადაწყვეტილებას” – აცხადებს ნანუკა ჟორჟოლიანი.
დღეს, 9 ნოემბერს პარლამენტის წინ ორი აქციაა დაგეგმილი. 6 საათზე ოპოზიცია მართავს აქციას, ხოლო 10 საათზე მოძრაობა სირცხვილიას აქცია “დაუმორჩილებლობა” დაიწყება.
საკოორდინაციო საბჭოს გადაწყვეტილებით, დღეიდან, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22 საათიდან დილის 5 საათამდე გადაადგილება შეიზღუდება. შეზღუდვა გავრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე.
