საქართველოს სახალხო დამცველი ნინო ლომჯარია ნინოწმინდის პანსიონს მომავალ კვირაში ბოდბელ ეპისკოპოსთან იაკობთან ერთად ეწვევა. ამის შესახებ მან ნინოწმინდის პანსიონის ახალ მმართველთან გამართული შეხვედრის დასრულების შემდეგ განაცხადა:
„ვინაიდან ბავშვებსაც აქვთ გარკვეული გაუცხოვება სახალხო დამცველის მიმართ და მე მინდა, რომ ჩვენ მონიტორინგი ისე ჩავატაროთ, რომ ჩვენს შორის ნდობა იყოს და მტრულად განწყობილნი არ იყვნენ იქ მყოფი პირები, ვფიქრობ, რომ ეს ვიზიტი სიტუაციას განმუხტავს. და ამის შემდეგ უკვე ჩემი უკვე სპეციალისტები დაიწყებენ იქ მიმდინარე პროცესების მონიტორიგს“, – განაცხადა ნინო ლომჯარიამ.
ნინო ლომჯარიამ ზოგადად ხაზი გაუსვა ასევე შეხვედრის კონსტრტუქციულ ხასიათს. მისი თქმით, მეუფე იაკობი სახალხო დამცველის ინსტიტუტის მიმართ პოზიტიურად იყო განწყობილი.
