30 ოქტომბერს, თურქეთის ქალაქ იზმირში მომხდარი მიწისძვრის შედეგად გარდაცვლილთა რიცხვი 110-მდე გაიზარდა.
ინფორმაციას ადგილობრივი ხელისუფლება ავრცელებს. მათივე ცნობით, ამ დროისთვის სამედიცინო დაწესებულებაში 144 დაზარალებული მკურნალობს, 900-მდე დაშავებული კი სტაციონარიდან საცხოვრებელ ბინებში გაწერეს.
შეგახსენებთ, რომ თურქეთში 6.6 მაგნიტუდის სიმძლავრის მიწისძვრა 30 ოქტომბერს მოხდა. ეპიცენტრი ქალაქ იზმირის სანაპირო რეგიონში, ეგეოსის ზღვაში, 16.5 კილომეტრის სიღრმეში დაფიქსირდა. ბიძგების შედეგად, იზმირში რამდენიმე საცხოვრებელი სახლი დაინგრა. ამის გამო, ადგილობრივმა სამართალდამცველებმა 9 ადამიანი დააკავეს, რომლებსაც ამ სახლების აშენებასთან იყვნენ დაკავშირებულნი. სტიქიას 400-ზე მეტი ძლიერი ბიძგი მოჰყვა. ბიძგები იგრძნობოდა საბერძნეთშიც.
