საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის მოვალეობის შემსრულებელი საქართველოში საუდის არაბეთის სამეფოს ელჩს შეხვდა, – ამის შესახებ ინფორმაციას საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ავრცელებს.
მათივე ინფორმაციით, მედეა ჯანიაშვილმა და აბდულა ალ-მუტაირმა საქართველოსა და საუდის არაბეთს შორის ტურიზმის სფეროში თანამშრომლობის აღდგენის შესაძლებლობები განიხილეს.
საუბარი შეეხო პოსტ პანდემიურ პერიოდში ორმხრივი ტურისტული ნაკადების აღდგენას, ავიარეისების განახლებას და უსაფრთხო მიმოსვლას.
კოვიდ პანდემიამდე საუდის არაბეთი საქართველოსთვის მნიშვნელოვან ტურისტულ ბაზარს წარმოადგენდა. სპარსეთის ყურის ქვეყნების მსგავსად საუდელი ტურისტები მაღალმხარჯველიანობით გამოირჩევიან.
2019 წელს საქართველოში შემოსული მოგზაურთა ტოპ -15 ქვეყანას შორის საუდის არაბეთი მე-12 ადგილზე იმყოფებოდა.
