დღეს ერგნეთში ინციდენტების პრევენციისა და მათზე რეაგირების მექანიზმის ფარგლებში, რიგით 103-ე შეხვედრა გაიმართება. პანდემიის პირობებში მონაწილეები ერთმანეთს კოვიდრეგულაციების დაცვით შეხვდებიან.
მხარეები გამყოფ ხაზთან, წინა შეხვედრიდან დღემდე გამოვლენილ ინციდენტებს განიხილავენ. განსაკუთრებული ყურადღება გამახვილდება უკანონო ბორდერიზაციის პროცესსა და ჰუმანიტარულ პრობლემებზე. რთულია ჰუმანიტარული და ეპიდემიოლოგიური მდგომარეობა ოკუპირებულ ახალგორში, ჩაკეტვის გამო, უკვე ორი წელია, მოქალაქეები საჭირო სამედიცინო დახმარებას ვერ იღებენ. ქართული მხარე ე. წ გამშვები პუნქტების გახსნაზე აქტიურად მუშაობს.
