„ეროვნული შერიგება არის გარდაუვალი პროცესი, რომელიც უნდა მოხდეს საზოგადოებაში თუ გვინდა, რომ წინ წავიდეთ და დავასრულოთ დაპირისპირება, მაგრამ ვერც შერიგება იქნება და ვერც კრიზისი დაიძლევა, ვიდრე მიხეილ სააკაშვილი იმყოფება პატიმრობაში”, – ამის შესახებ „ნაციონალური მოძრაობის” წევრმა, ზაალ უდუმაშვილმა პრეზიდენტის რეზიდენციასთან განაცხადა.
„ხელისუფლების ხელშია სააკაშვილის გათავისუფლების გასაღები, იქნება ეს სალომე ზურაბიშვილი, თუ სხვა იურიდიული ფორმა, გადამწყვეტი მნიშვნელობა არ აქვს, მთავარი ამოცანაა, რომ სააკაშვილი გათავისუფლდეს. თუ ზურაბიშვილი სახელმწიფოებრივად აზროვნებს და მის ინტერესებშია, რომ პოლიტიკური კრიზისი დაიძლიოს, რა თქმა უნდა, ეს ბერკეტი უნდა გამოიყენოს“, – აღნიშნა ზაალ უდუმაშვილმა.
