ეკონომიკის მინისტრი, ნათია თურნავა ბიძინა ივანიშვილის პოლიტიკიდან წასვლას ეხმაურება. როგორც ნათია თურნავა ამბობს, მისი პოლიტიკიდან წასვლაც პოლიტიკური ქველმოქმედება იყო.
„ბიძინა ივანიშვილი არის დიდი პოლიტიკოსი და დიდი ქველმოქმედი. მისი განცხადებით ეს კიდევ რთხელ დადასტურდა. მისი პოლიტიკაში მოსვლის და პოლიტიკიდან წასვლის პროცესიც იყო პოლიტიკური ქველმოქმედების აქტი. ის მოვიდა პოლიტიკაში, როდესაც ქართულ საზოგადოებას სწყუროდა ცვლილებები და ამ წლების განმავლობაში დაამკვიდრა ახალი მმართველობითი დემოკრატიული ჰუმანური სტანდარტი, რომელიც ადამიანის უფლებებზეა ორიენტირებული და დღეს, როდესაც ქართველმა ხალხმა მესამედ ნდობის მანდატი მიანიჭა ისევ „ქართულ ოცნებას“, ბიძინა ივანიშვილი მიდის პოლიტიკიდან და ამით ადასტურებს, რომ მისი მიზანი ძალაუფლების მოხვეჭა კი არ იყო, არამდე ის, რომ შექმნა სტაბილური გარანტიების იმისა, რომ რევანში შეუძლებელია და ქართული საზოგადოება არის მომწიფებული იმისთვის, რომ დემოკრატიული განვითარების გზით იაროს. ეს არის დასაფასებელი და იშვიათი პრეცედენტი მსოფლიო ისტორიაში“,- განაცხადა ნათია თურნავამ.
