„ეს არის ჩვეულებრივად, მოდელირებული ქრონიკის შემქმნელისგან, მოდელირებული ბათუმის ახალი ქრონიკა.“ – ამგვარად აფასებს იუსტიციის მინისტრი რატი ბრეგაძე მიხეილ სააკაშვილის ჩამოსვლის შესახებ გავრცელებულ ინფორმაციას.
მისი თქმით, თუ სააკაშვილი ჩამოვა, ის პასუხს აგებს მართლმსაჯულების წინაშე.
„სიმართლე გითხრათ, ნამდვილად არა ვარ დაინტერესებული უკრაინის მოქალაქე სააკაშვილის ადგილსამყოფელით და ეს არის ჩვეულებრივად, მოდელირებული ქრონიკის შემქმნელისგან, მოდელირებული ბათუმის ახალი ქრონიკა.
თუ ჩამოვა ადამიანი, რომელსაც ჩადენილი აქვს დანაშაული, პასუხი უნდა აგოს ქართული მართლმსაჯულების წინაშე. ის, რა თქმა უნდა, აუცილებლად აგებს პასუხს ქართული სასამართლოს წინაშე.“ – განაცხადა რატი ბრეგაძემ.
