„30 წლის განმავლობაში, დამოუკიდებელი საქართველოს ისტორიაში ეს იყო რეკორდული მოსავალი და საუკეთესო რთველი“,- ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.
როგორც მან აღნიშნა, პანდემიის პირობებში რთველმა მაინც ეფექტურად ჩაიარა.
„277 ათასი ტონა ყურძენი ჩაიბარეს ჩვენმა მეღვინეებმა. ეს იყო ერთ-ერთი საუკეთესო რთველი. გამოწვევებით სავსე რთველი პანდემიის პირობებში, როდესაც ჩვენ ყველაფერი გავაკეთეთ იმისთვის, რომ მევენახეებს დავდგომოდით გვერდით.
ასევე ეფექტურად ჩაიარა რთველმა რაჭა-ლეჩხუმშიც, სადაც იყო რეკორდული მოსავალი, 1400 ტონამდე სხვადსხვა სახის ყურძენი“,- განაცხადა გიორგი გახარიამ.
