ეს იყო სრული ცილისწამება, რაც ჩემზე დაიდო და რასაც ავრცელებენ. ჩემი ღირსებაც შელახეს, სამსახურიც შელახეს. არც ერთ ჯარისკაცს პატივი არ სცეს, რაც ეს მემგონი ქართველისთვის და ქართული სულის ადამიანისთვის არ არის ლამაზი საქციელი” – აცხადებს ერთ-ერთი მძევალი დავით ხვიბლიანი, რომელიც პოლიციამ დაკითხა.
დავით ხვიბლიანმა დღეს პრესასთან პირველი კომენტარი გააკეთა და განაცხადა, რომ ის არ აპირებს არცერთ კითხვაზე პასუხის გაცემას, რადგან გამოძიება ყველაფერს ისედაც დაადგენს.
„დანარჩენი რაც არ უნდა კითხვები დამისვათ, არ ვაპირებ პასუხის გაცემას, იმიტომ რომ გამოძიება მიმდინარეობს და გამოძიება დაადგენს ყველაფერს, ყველა კითხვაზე იქნება პახუხი გაცემული. რაც იყო, რაც მოხდა, როგორც მოხდა და რანაირადაც მოხდა, ეს სრულიად ყველაფერი იცის გამოძიებამ და თუ იქნება საჭირო გამოძიება იტყვის ყველაფერს. სერგო ჩაჩიბაია ვინ არის საერთოდ არ ვიცი, ამის მეტს ვერაფერს ვერ გეტყვით. არა, მე სამხედრო პოლიციის მანქანას არ წავუყვანივარ, მე ჩემს სამხედრო მოვალეობას ვასრულებდი და ვიყავი სამსახურში”- აცხადებს დავით ხვიბლიანი.
შეგახსენებთ,რომ დავით ხვიბლიანი ერთ-ერთი გათა„ვისუფლებული მძევალია,რომელიც ზუგდიდში ბანკზე თავდამსხმელმა პოლიციის პიკაპით წაიყვანა. მოგვიანებით თავდამსხმელმა ის სხვა სამ მძევალთან ერთად კირცხის ტყეში ჩამოსვა და მიიმალა. მისი დევნის ოპერაცია ამ დრომდე გრძელდება.
მანამდე „მთავარი არხის“ გენერალური დირექტორმა, ნიკა გვარამიამ განაცხადა, რომ დავით ხვიბლიანი სიმა,დვილეში თავდამსხმელის თანამზრახველია.
ავტორი:თეა შონია
ამ ინფორმაციის დამალვა დანაშაულია – ვის ამხელს ნიკა გვარამია
