„მოქალაქეების“ პარტიის ლიდერის ალეკო ელისაშვილის განცხადებით, დღევანდელ შეხვედრაზე პარლამენტის თავმჯდომარესთან, არჩილ თალაკვაძესთან დავით გარეჯის საქმესთან დაკავშირებითაც ისაუბრა.
ელისაშვილის თქმით, მას დარჩა შთაბეჭდილება, რომ ნატალია ილიჩოვას და ივერი მელაშვილის საქმე ამ ადამიანების დონეზე არ წყდებოდა.
„დეტალებში არ გავყოლილვართ, არც ისინი იყვნენ პროკურორები და არც ჩვენ მოსამართლეები. ჩვენ დავსვით (კითხვები) მე არ დამრჩა შთაბეჭდილება, რომ ამ ადამიანების დონზე რაღაცა წყდებოდა, იქ იყო ზემდგომების სახელები, ზემდგომების გვარები და რაღაცა რომ ხდებოდა ზემოთ ეს ყველაფერი დავინახე მე. თუმცა, ამ საკითხზე არ მინდა ბევრი საუბარი, იმიტომ კი არა რომ ვისხლიტავ და არ ვპასუხობ არ მინდა მათი ოჯახის წევრებს ზედმეტი მოლოდინები შევუქმნა , თუმცა მათაც და ყველას ვპირდები, რომ ჩვენ ვართ პრინციპულები და თანამიმდევრულები ამ საკითხთან დაკავშირებით“, – განაცხადა ალეკო ელისაშვილმა „რუსთავი 2“-ის ეთერში.
