ანა დოლიძემ იუსტიციის საბჭოში თანამდებობდა დატოვა. ამის შესახებ მან ბრიფინგზე განაცხადა.
„მე დღეს გავუგზავნი განცხადებას პრეზიდენტ სალომე ზურაბიშვილს და გავუადვილებ მას იმ გადაწყვეტილების მიღებას, რომელიც თავად ვერ მიიღო და დავტოვებ იუსტიციის საბჭოს. შევუდგები მთელი ჩემი რესურსით მოძრაობა „ხალხისთვის“ შენებას იმისთვის, რომ გავაგრძელო ის მისია და ბრძოლა, რომელშიც, სამწუხაროდ, ამ შენობაში მე დავრჩი მარტო“,- განაცხადა ანა დოლიძემ.
იგი ისუტიციის უმაღლესი საბჭოს წევრი 2018 წლიდან იყო.
მან ცოტა ხნის წინ ალეკო ელისაშვილთან, ლევან კობერიძესთან და ლევან იოსელიანთან ერთად მოძრაობა „ხალხისთვის“ შექმნა.
არასამთავრობო ორგანიზაციები მას მოუწოდებდნენ, რომ პოლიტიკური პარტიის ჩამოყალიბების შემთხვევაში მას იუსტიციის უმაღლესი საბჭოში თანამდებობა დაეტოვებინა.
ამასთან, ანა დოლიძეს იუსტიციის უმაღლესი საბჭოს არამოსამართლე წევრი ნაზი ჯანეზაშვილიც აკრიტიკებდა და თანამდებობის დატოვებისკენ მოუწოდებდა.
