„ეს სახუმარო თემა ნამდვილად არ არის, ამდენი ადამიანი მძევლად ჰყავდა აყვანილი“ – ამის შესახებ შს მინისტრმა, ვახტანგ გომელაურმა ესებუაზე საუბრისას ჟურნალისტებს განუცხადა.
მისივე თქმით, შსს ინფორმაციით, ბადრი ესებუა საქართველოში იმყოფება.
„ყველაზე ძალიან ვისაც უნდა, ამ ადამიანის დაკავება , ეს არის შს სამინისტრო. რატომ გგონია ხალხს რომ ჩვენ არ გვინდა, ან ხელს ვუწყობთ და ვმალავთ, არ ვიცი. ვმუშაობთ თემაზე და ის იმყოფება საქართველოში. მას არ დაუტოვებია ქვეყანა და იმედის სწორი ინფორმაციაა“, – განაცხადა ვახტანგ გომელაურმა.
საქართველოს ბანკზე შეიარაღებულ თავდასხმაში ბრალდებული ბადრი ესებუა ამ დრომდე იძებნება. ესებუას წინააღმდეგ საქმე საქართველოს სისხლის სამართლის კოდექსის 236-ე, 323-ე და 329-ე მუხლებით, რაც ტერორისტულ აქტს, მძევლების აყვანას ტერორისტული მიზნით და ცეცხლსასროლი იარაღის უკანონო შეძენა-შენახვა-ტარებას გულისხმობს.
