ეუთოს გენერალური მდივანი ჰელგა მარია შმიდი საქართველოში ორდღიან ოფიციალურ ვიზიტს იწყებს.
ჰელგა მარია შმიდი საქართველოს პრეზიდენტს, პრემიერმინისტრს, პარლამენტის თავმჯდომარეს და საგარეო საქმეთა მინისტრს შეხვდება.
იგი ასევე ერგნეთში მონაწილეობას მიიღებს ინციდენტების პრევენციისა და მათზე რეაგირების მექანიზმის შეხვედრაში.
ამასთან, დღეს ეუთოს გენერალური მდივანი, შერიგებისა და სამოქალაქო თანასწორობის საკითხებში სახელმწიფო მინისტრთან და ამერიკის ელჩთან ერთად, გამყოფი ხაზის სოფელ ციცაგიანთკარში ადგილობრივ მოსახლეობას შეხვდება.
