პოლიტიკური გაერთიანება „გირჩის” თავმჯდომარე, იაგო ხვიჩია „ევროპულ საქართველოში” მიმდინარე ცვლილებებს ეხმაურება და აცხადებს, რომ „ევროპულმა საქართველომ,” დაშლის მასტერკლასი აჩვენა.
„ირონიულად შეიძლება მოგეჩვენოთ მაგრამ, მე სერიოზულად ვფიქრობ, რომ „ევროპულმა საქართველომ,” დაშლის მასტერკლასი გვასწავლა. თუ მათ ეს საქმე ბოლომდე ასე მშვიდობიანად მიიყვანეს, მგონია, რომ ეს გამოცდილება თავის კვალს დატოვებს საქართველოს პოლიტიკურ ისტორიაში და ყველ არჩევნების წინ პარტიები ამ კარგ გამოცდილებას გაიხსენებენ. პარტიის დაშლა, ვიღაცების წასვლა და მოსვლა, პოლიტიკური პროცესია და რა თქმა უნდა, ეს პოლიტიკურ ცხოვრებაზე გავლენას ახდენს. პოლიტიკაც ასეთია”, – აღნიშნავს პოლიტიკური გაერთიანება „გირჩის” თავმჯდომარე იაგო ხვიჩია.
შეგახსენებთ, რომ ბოლო პერიოდში „ევროპული საქართველო” ელენე ხოშტარიამ და ზურაბ ჭიაბერაშვილმა დატოვეს, ხოლო გიგი უგულავასა და დავით ბაქრაძის განცხადებით, ისინი მმართველობას ჩამოშორდებიან და პარტიის რიგითი წევრები გახდებიან.
