BBC News– ის ინფორმაციით, გაერთიანებულ სამეფოში, თითქმის ორმა მილიონმა ადამიანმა კორონავირუსის ვაქცინის პირველი დოზა, უკვე მიიღო.

წინა კვირას აცრილი 2.64 მილიონი ადამიანის შემდეგ, გაერთიანებულ სამეფოში, ამ კვირის სამშაბათამდე ვაქცინა, უკვე სულ, 4.61 მილიონ ადამიანს გაუკეთეს.

„ჩვენ წუთში 200 ვაქცინას გავცემთ“ – განაცხადა გაერთიანებული სამეფოს ჯანდაცვის მდივანმა – მეთ ჰენკოკმა.

აღსანიშნავია ისიც, რომ უპირველესად, მთავრობა მიზნად მოწყვლადი ჯგუფების აცრას ისახავს.

მიუხედავად ვაქცინაციის სისწრაფისა, გაერთიანებულმა სამეფომ, კორონავირუსით გარდაცვალების დღიური ანტირეკორდი, კიდევ ერთხელ მოხსნა. უნდა ითქვას ისიც, რომ ბოლო 28 დღეში, ქვეყანაში დაღუპულთა რაოდენობამ 1820 ადამიანს მიაღწია.

Prime Time შეგახსენებთ, რომ ამ დროისთვის, Worldometer-ის მიხედვით, გაერთიანებულ სამეფოში, პანდემიის დაწყებიდან, სულ 3 505 754 ადამიანი დაინფიცირდა. გამოჯანმრთელდა – 1 571 519, ხოლო ვირუსის გამო გარდაიცვალა – 93 290.