ორშაბათიდან, გაერთიანებული სამეფო კორონავირუსის ახალი შტამის გავრცელების შესაკავებლად, სხვა სახელმწიფოებთან მოგზაურობის პირობებს ამკაცრებს. ინფორმაციას BBC News ავრცელებს.
სახელმწიფოში შესასვლელად ყველა ადამიანს კორონავირუსის ტესტზე უარყოფითი პასუხი დასჭირდება. ამასთან ერთად, ვირუსის ახალი ვარიანტის გავრცელების გამო, როგორც სამხრეთ ამერიკიდან და ასევე, პორტუგალიიდან მოგზაურთა მიღება აიკრძალა.
გაერთიანებული სამეფოს პრემიერ მინისტრის – ბორის ჯონსონის თქმით, გატარებული რეგულაციები 15 თებერვლამდე გაგრძელდება.
უნდა აღინიშნოს, რომ ბოლო 28 დღეში, სახელმწიფოში, ვირუსით 1280 ადამიანი გარდაიცვალა. Worldometers-ის მიხედვით, ამ დროისთვის, ვირუსით გამოჯანმრთელებულთა საერთო რაოდენობა 1 503 654 ადამიანს უტოლდება. სულ დაინფიცირდა 3 316 019 ადამიანი. გარდაცვლილია – 87 295 მოქალაქე.
ჯონს ჰოპკინსის უნივერსიტეტის ცნობით, მსოფლიოში პანდემიის დაწყებიდან, ვირუსს სულ ორ მილიონზე მეტი ადამიანი შეეწირა.
ავტორი: ამუკა ქორიძე
