პრემიერ-მინისტრი გიორგი გახარია დავით გარეჯის სადემარკაციო კომისიის წევრების დაკავებას და მიმდინარე გამოძიებას ეხმაურება. გახარია მოუწოდებს ყველას თავი შეიკავონ პოლიტიკური სპეკულაციებისგან.
„მინდა გამოვეხმაურო პროკურატურის მიერ დაწყებულ გამოძიებას, რამე თუ არ წყდება მცდელობა საკითხის პოლიტიზირების, რაც არის აბსოლუტურად დამაზიანებელი. ყველას უნდა გვახსოვდეს, რომ გამოძიება უნდა დასრულდეს და მხოლოდ ამის შემდეგ, უნდა გავაკეთოთ საბოლოო დასკვნები.
საკითხი იმდენად მნიშვნელოვანია, რომ ნებისმიერი სახის პოლიტიზირება და პოლიტიკური სპეკულაციები არის ქვეყნისთვის დამაზიანებელი.
ჩვენ მიგვაჩნია, რომ აზერბაიჯანი არის საქართველოს სტრატეგიული პარტნიორი და ასე გაგრძელდება ნებისმიერ შემთხვევაში.
ვერც გამოძიების დაწყების ფაქტი, რაც სრულად საქართველოს საშინაო საქმეა და ვერც გამოძიების შედეგად ახლად გამოვლენილი გარემოებები რომლებიც უკვე გავუზიარეთ აზერბაიჯანელ კოლეგებს, ვერ დააზიანებს ორ ქვეყანას შორის სტრატეგიულ პარტნიორობას.
მინდა მოვუწოდო ყველას არ მოვახდინოთ საკითხის პოლიტიზირება,“- განაცხადა გახარიამ.
