საქართველოს პრეზიდენტი სალომე ზურაბიშვილი გიორგი შაქარაშვილის მკვლელობის საქმეზე გაკეთებულ განცხადებას განმარტავს.
როგორც პრეზიდენტი ამბობს, განცხადებაში, რომელიც რამდენიმე დღის წინ გააკეთა, ძალადობა, ჩხუბი და გარჩევა არ უგულისხმია.
„დავიღალე რამდენიმე ტელევიზიის მხრიდან ბულინგით. თუ თქვენ არ გესმით ქართული თქვენი პრობლემაა, თუ თქვენ ვერ კითხულობთ წინადადებას ბოლომდე თქვენი პრობლემაა.
მცდელობა, რომ მე გამასაღოთ, როგორც პრომოძალადე არის ძალიან სასაცილო, რომ არ იყოს სატირალი. თუ ვერ გაიგეთ წაიკითხეთ, თქვენ უნდა ისწავლოთ კითხვა. მე რაც ვიგულისხმე არის რომ ერთი-ერთზე არის ყველაფერი, არ მითქვამს რომ ერთი-ერთზე ძალადობა კარგია. არ მითქვამს არც ჩხუბი, ვთქვი ვაჟკაცობა არის ერთი-ერთზე, ერთი-ერთზეა ცხოვრებაში ყველაფერი ლაპარაკი, სიყვარული, არ მითქვამს არც ჩხუბი, არც გარჩევა. ვაჟკაცობა არ არის ძალადობაში, არ არის ჯგუფურ ძალადობაში, ვაჟკაცობა არის აღიარებაში და ამაზე უნდა გეფიქრათ და ვაჟკაცობა არის მონანიებაში,“- განაცხადა ზურაბიშვილმა.
