სამოქალაქო მოძრაობა „სირცხვილიას“ წევრის გიგა მაქარაშვილის განცხადებით, პოლიციის თანამშრომლები პარლამენტის შენობასთან, სადაც დღეს აქცია უნდა გაიმართოს, სცენის დადგმის უფლებას არ აძლევენ.
„პოლიციის თანამშრომელი გოგა მემანიშვილი მოვიდა და გვითხრა, რომ მეორე მხარეს ვერ დავდგამდით სცენას და გადმოგვეწია აქეთ, სადაც მედიისთვის განკუთვნილი მაგიდები იყო. თუმცა ახლა მიიღეს ბრძანება და გვითხრეს, რომ სცენას აქაც ვერ გაგაშლევინებთო. გამოხატვის თავისუფლებას გვიზღუდავენ. ის, რომ მუსიკით და ცეკვით გვინდა გავაპროტესტოთ რასაც გვიშავებენ, ეს არ უნდათ. მიდიან პროვოკაციაზე, რომ გამოგვიწვიონ და მერე დაგვაკავონ.
ჩვენი მეგობრები, ვინც 19:00 საათზე უნდა მოსულიყვნენ, მოვლენ ადრე და უფრო ადრე გადავკეტავთ გზას“, – განაცხადა გიგა მაქარაშვილმა.
ცნობისთვის, დღეს სამოქალაქო აქტივისტები „კომენდანტის საათის” და ჯარიმების გაუქმების მოთხოვნით, პარლამენტის შენობის წინ აქციას გამართავენ.
