“ეროვნულ დემოკრატიული ინსტიტუტი“ (NDI) 2020 წლის ივნისის საზოგადოების განწყობის გამოკითხვის შედეგებს აქვეყნებს.
კვლევის მიხედვით, მოქალაქეების 17% ფიქრობს, რომ ქვეყანაში კორონავირუსის დაბალი გავრცელება ქართულ გენეტიკას და რელიგიას უკავშირდება.
„კვლევის თანახმად, მოქალაქეების 73 პროცენტი ფიქრობს, რომ ქვეყანაში ვირუსის შედარებით დაბალი გავრცელება მთავრობისა და ექიმების მიერ გადადგმული სწორი ნაბიჯების შედეგია, ხოლო 17 პროცენტი მიიჩნევს, რომ ეს ქართული გენეტიკისა და რელიგიის დამსახურებაა“,- ნათქვამია გამოქვეყნებულ კვლევაში.
ამასთან, გამოკითხლთა 53% ეთანხმება მოსაზრებას, რომ რწმენა იცას მორწმუნეებს კორონავირუსით დაინფიცირებისგან. მსგავს მოსაზრებას იზიარებს საზოგადოების სამი ჯგუფი: ასაკოვანი ხალხი, ეკლესიაში აქტიურად მოსიარულე ადამიანები და დაბალი შემოსავლის მქონე ადამიანები.
გამოკითხვა 26-30 ივნისის პერიოდში საქართველოს მასშტაბით 1,550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით).
