საქართველოს გენერალურ პროკურატურაში დავით გარეჯის არქიმანდრიტის კირიონის რამდენიმე საათიანი გამოკითხვა დასრულდა.
საგამოძიებო უწყებიდან გამოსულმა არქიმანდრიტმა მედიასთან მცირე კომენტარი გააკეთა, თუმცა არ დაუკონკრეტებია რა საკითხზე გამოიკითხა.
„„მე მგონი ჩემი მხრიდან უთქმელი არაფერი არ დარჩენილა. ყველაფერზე იყო საუბარი. ეს არის დახურული თემა. ვცხოვრობ დავით გარეჯში და საუბარი იყო დავით გარეჯზე“,- აღნიშნა არქიმანდრიტმა კირიონმა.
არქიმანდრიტის გამოკითხვის შემდეგ განცხადება გაავრცელა საქართველოს მთავარმა პროკურატურამ.
როგორც უწყბის მიერ გავრცელებულ ინფორმაციაშია ნათქვამი, საქმე ეხება უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტს.
