„არაა ქორწილის, ქელეხის, კონცერტის, წვეულების დრო, როცა, ყოველდღიურად, 30-40 და მეტი სიკვდილის შემთხვევაა“, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

„აცრის გარეშე, ამ პანდემიას ვერ დავასრულებთ. ჩემი პროგნოზით, აგვისტოს ბოლოს, 650 ათას აცრას გადავაბიჯებთ, სექტემბერში ეს აუცილებლად უნდა ავიდეს 800-900 ათასზე და სექტემბერში, კიდევ ერთ ამდენზე, რათა სულ მცირე, 2.5 მილიონი აცრა ჩატარდეს. თუ ეს მოხდება, ეპიდემიას სერიოზულად გავტეხთ წელში.

ეპიდემიის დასრულების მთავარი გზა აცრებზე გადის. მეორე მხრივ, საჭიროა წესების დაცვა. ამ თვეების განმავლობაში, ვიყოთ მეტად მოკრძალებულები, შევიკავოთ თავი შეკრებებისგან. არაა ქორწილის, ქელეხის, კონცერტის, წვეულების დრო, როცა, ყოველდღიურად, 30-40 და მეტი სიკვდილის შემთხვევაა“, – განაცხადა ამირან გამყრელიძემ.