თუ მოქალაქეები გაითვალისწინებენ რეკომენდაციებს, ხოლო ეპიდსიტუაცია დაახლოებით იგივე იქნება, როგორიც დღეს არის და შემთხვევათა რაოდენობა არ წავა “სერიოზულ ნახტომისებურ ზრდაში” მაშინ სააღდგომოდ სერიოზული შეზღუდვები საჭირო არ გახდება,- ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
მისი თქმით, თუ კლასტერები, რაც დღეს ქვეყანაშია, გამრავლდება, მაშინ წინასააღდგომოდ სხვადასხვა შემზღუდავი ღონისძიების შემოტანა მოუწევთ.
„თუ ეს კლასტერები, რაც გვაქვს გამრავლდა და შიდაგავრცელება იქნა საყოველთაო, მაშინ, რა თქმა უნდა, ქვეყანას დასჭირდება სხვადასხვა შემზღუდავი ღონისძიების შემოტანა, რაც ორმაგად დამთრგუნველია წინასააღდგომოდ თუ აღდგომის შემდგომ პერიოდში,- დასძინა გამყრელიძემ.
