დედოფლისწყაროში, კორონავირუსით ინფიცირებული პირის გარდაცვალების, პირველი შემთხვევა დაფიქსირდა. 70 წლამდე ასაკის ქალი, ორმხრივი პნევმონიით, სახლში, ონლაინ კლინიკისა და ოჯახის ექიმის მეთვალყურეობის ქვეშ მკურნალობდა.
პაციენტის მდგომარეობა გუშინ მკვეთრად დამძიმდა, რის შემდეგაც ის
ის დედოფლისწყაროს საავადმყოფოს ბოქსირებულ განყოფილებაში გადაიყვანეს.
კრიტიკულ მდგომარეობაში მყოფი ქალის გადარჩენა ექიმებმა ვეღარ შეძლეს.
გარდაცვლილის ოჯახის წევრები, კოვიდინფიცირებული პირის მდგომარეობის გაუარესების შემდეგ, 112- თან დაკავშირებას უშედეგოდ ცდილობდნენ.
რატომ დატოვეს ორმხრივი პნევმონიის მქონე პაციენტი სახლში და როგორი იყო დასაწყისში, მისი ჯანმრთელობის მდგომარეობა, დაავადებათა კონტროლის ცენტრის კახეთის განყოფილებაში, კომენტარი ჯერჯერობით არ გაკეთებულა.
ავტორი: ხათუნა გულიაშვილი
