„ვისაუბრეთ და გვქონდა საკმაოდ ღია, გულწრფელი საუბარი. მე, რა თქმა უნდა, ვერ ვისაუბრებ პრეზიდენტის განწყობებზე და მის განცხადებებზე, ეს იყო დახურული შეხვედრა, თუმცა მე დავაყენე ყველა მნიშვნელოვანი საკითხი. შემიძლია გითხრათ, რომ პრეზიდენტი არის შეწუხებული ყველა იმ საკითხზე, რაზეც გვქონდა საუბარი”,- ამის შესახებ სახალხო დამცველმა ნინო ლომჯარიამ პრეზიდენტთან შეხვედრის დასრულების შემდეგ, განაცხადა.
“მე ვფიქრობ, რომ გარკვეულ საკითხებთან დაკავშირებით ნამდვილად გავუგეთ ერთმანეთს და არის საკითხები, რომლებსაც, ნამდვილად, სწორად აფასებს. ასევე, მასთან საუბარში აღვნიშნე, რომ ძალიან დიდი მნიშვნელობა ექნება, ალბათ, როგორც არასდროს, პრეზიდენტის პოზიციონირებას და ასევე, ჩემი რჩევა იყო, რომ ამ საკითხებთან დაკავშირებით, მით უმეტეს ასეთ დროს, უფრო ხშირად ჰქონდეს საზოგადოებასთან კომუნიკაცია და მისი გზავნილები უფრო ხშირად გაჟღერდეს, რაც დაეხმარება დემოკრატიული ღირებულებების და ადამიანის უფლებების დაცვას ამ ქვეყანაში“, – განაცხადა ნინო ლომჯარიამ.
