გასაოცარია, მოგვამრთავდნენ, რომ ჩვენ ვართ პროდასავლური ოპოზიცია და დაგვეხმარეთო – ამის შესახებ გერმანიის ელჩი, ჰუბერტ ქნირში ოპოზიციაზე „იმედის კვირისთვის“ მიცემულ ინტერვიუში აცხადებს.
„გასაოცარია, ამ დღეებში რაც გვესმის დიპლომატების შესახებ, როგორ დაჟინებით და ფანტაზიით ხდება არგუმენტირება. არც ერთ დიპლომატს საკუთარი თავი ძალით არ შეუთავაზებია და ეს არც მომავალში მოხდება.
ჩვენ ისევ და ისევ მოგვმართავდნენ ოპოზიციური პარტიები გასული წლების განმავლობაში. გვეუბნებოდნენ, რომ ჩვენ ვართ პროდასავლური ოპოზიცია და თქვენ, დიპლომატებმა უნდა დაგვეხმაროთ.
ამასთან, უნდა ითქვას, რომ დასავლური იდეა გამოიხატება არა ერთ პარტიაში, ან ერთ პიროვნებაში, არამედ ის კონსტიტუციის შესაბამისი მმართველობის და თავისუფლების იდეაა, ამიტომ საქართველომ სააკაშვილის მმართველობის შემდეგ საპარლამენტო სისტემა შემოიღო, ამიტომ არის პარლამენტი ასეთი მნიშვნელოვანი და ამიტომ გააქტიურდნენ დიპლომატები, რათა შემდგარიყო მოლაპარაკებები პარტიებს შორის, რომელიც წინ წაიყვანს საქართველოს დემოკრატიულ განვითარებას.
არ მინდა ვისაუბრო თითოეულ პირზე და მათ გამონათქვამებზე. ვინც საუბრობს, საკუთარ თავს ახასიათებს და საზოგადოებას შეუძლია ამ გამონათქვამების შეფასება.
მე და ჩემს კოლეგას სურვილი გვქონდა, 31 ოქტომბრის არჩევნების შემდეგი პროცესები უფრო ადვილად და იოლად განვითარებულიყო. არჩევნებს წინ საკონსტიტუციო ცვლილება უძღოდა და პარტიებს შორის მოლაპარაკების პროცესი, რომელიც გაადვილებული იყო დიპლომატების ჩართულობით და მე ჩემს კოლეგებთან ერთად ვმონაწილეობდი მასში. პარტიები უკეთეს საარჩევნო სისტემაზე შეთანხმდნენ, რომელიც ამომრჩევლის ნებას ზუსტად ასახავს.
საქართველომ ჩააბარა დემოკრატიის ტესტი. ეს არჩევნები საქართველოში არ იყო დემოკრატიული განვითარების მწვერვალი. გაუმჯობესება, რეფორმები აუცილებელია. სხვაგან სად, პარლამენტში უნდა მოხდეს გადაწყვეტილებების მიღება.
თვალყურს ვადევნებ ამ პროცესს და მგონია, რომ ამ ხმამაღლა თავდასხმებს დიპლომატებზე ზუსტად ეს საფუძველი აქვს. საქმე გვაქვს დაპირისპირებასთან ოპოზიციის შიგნით“, – განაცხადა გერმანიის ელჩმა.
