მსოფლიო პანდემიის დასასრულს არ უნდა დაელოდოს იმისთვის, რომ მომავალი პანდემიისთვის მზადება დაიწყოს,- ამის შესახებ ჯანდაცვის მსოფლიო ორგანიზაციის ხელმძღვანელმა, ტედროს ადჰანომ გებრეიესუსმა განაცხადა. ინფორმაციას ჯანმოს ოფიციალურ ვებ-გვერდი ავრცელებს.
„425 დღე გავიდა მას შემდეგ, რაც კორონავირუსი პანდემიად გამოვაცხადე. ამ დროის განმავლობაში ყოველდღიურად ვხედავდით იმას, თუ რამხელა გაბედულებასა და სიმამაცეს ავლენდა სამედიცინო პერსონალი მთელი მსოფლიოს მასშტაბით. ასევე, ვნახეთ ის, თუ რამხელა უთანასწორობა შექმნა პანდემიამ. ახლაა მოქმედების დრო. მსოფლიო პანდემიის დასასრულს არ უნდა დაელოდოს იმისთვის, რომ მომავალი პანდემიისთვის მზადება დაიწყოს. როდესაც ცხოვრების ჩვეულ რიტმს დავუბრუნდებით, არ უნდა დაგვავიწყდეს ის მწარე გაკვეთილი და მოგონებები, რომელიც ამ კრიზისმა გვასწავლა. არ უნდა დაგვავიწყდეს ის კვალი, რაც პანდემიამ ეკონომიკას, მოსახლეობასა და ჯანდაცვის სისტემას დაამჩნია. თუ ისე მოვიქცევით როგორც წარსულში ვიქცეოდით, განსხვავებულ შედეგს არ უნდა ველოდეთ. ამიტომ გაბედულად მოქმედებაა საჭირო“,- განაცხადა გებრეიესუსმა.
