პარტია ,,ჩვენი საქართველო სოლიდარობის ალიანსის“ აღმასრულებელი მდივანი გედევან ფოფხაძე კორონავირუსისგან განიკურნა. ამის შესახებ „პრაიმტაიმნიუსისთვის“ გახდა ცნობილი.
გედევან ფოფხაძემ სააგენტოსთან ეს ინფორმაცია დაადასტურა და ჩვენთან საუბრისას განაცხადა, მან ბოჭორიშვილის კლინიკა გუშინ დილით დატოვა.
,,მკურნალობას აღარ ვაგრძელებ, რადგან ვირუსი აღარ მაქვს. იზოლაციის ელემენტარულ წესებს მაინც ვიცავ, რადგან ეს ვირუსი კარგად შესწავლილი არ არის და შესაძლოა, თეორიული ალბათობა არსებობდეს, რომ ვირუსი ვინმეს გადავდო. სამედიცინო დოკუმენტით გადამდები აღარ ვარ. კლინიკა გუშინ დილით დავტოვე’’, – განაცხადა ფოფხაძემ
ინფორმაციისთვის, პარტია “ჩვენი საქართველო – სოლიდარობის ალიანსის” აღმასრულებელ მდივანს, გედევან ფოფხაძეს 13 სექტემბერს დაუდასტურდა. მას ვირუსი თანაგუნდელისგან, ლევან გოგიჩაიშვილისგან გადაედო.
ავტორი: ეკატერინე ზარნაძე
