Microsoft-ის დამფუძნებლის, ბილ გეიტსის განცხადებით, კორონავირუსის ვაქცინების ასეთი სისწრაფით განვითარება „სასწაულია“, რომელიც ამერიკელებს ნორმალური ცხოვრების დაბრუნებაში დაეხმარება.
ინფორმაციას ამის შესახებ Forbes-ი ავრცელებს.
გეიტსის თქმით, შემოდგომაზე ამერიკა ცხოვრების შედარებით ჩვეულ რიტმს დაუბრუნდება.
„სკოლები სწავლების ჩვეულ მეთოდს დაუბრუნდებიან. იქნება შეზღუდვების შემსუბუქება რესტორნებისთვის. ასევე, სპორტული და გასართობი ღონისძიებების ჩატარების მხრივ. თუმცა, უნდა აღინიშნოს, რომ პანდემიის დასასრულებლად საკმარისს არ ვაკეთებთ. ვაქცინები მდიდარ ქვეყნებს მიეწოდება, რაც ვირუსის ახალი ვარიანტების გავრცელების რისკს ქმნის. ამას ემატება რეინფიცირების საშიშროება. თუ ეს ასე გაგრძელდება, შესაძლოა, ცხოვრების ნორმალურ რიტმთან დაბრუნებამ 2022 წლამდე გადაიწიოს“,- აღნიშნა გეიტსმა.
