გელათის მონასტრის დაზიანებული სახურავის საქმესთან დაკავშირებით ფინანსთა სამინისტროს საგამოძიებო სამსახურმა გამოძიება დაიწყო.
გამოძიებით უნდა დადგინდეს იკვეთება თუ არა შემსრულებლის პასუხისმგებლობა. საქმეზე უკვე დაიკითხნენ მოწმეებიც.
სამუშაოები ხელოვნების საერთაშორისო ცენტრმა შეასრულა.
ქუთაის-გაენათის ეპარქიის მმართველი მეუფე იოანე (გამრეკელი) ამბობს, რომ აუცილებელია სპეციალისტებს ჩართულობით, ფართო შეხვედრის დროს მოხდეს საკითხის განხილვა.
„მე შევთავაზე, რომ მოხდეს შეხვედრა ოფიციალური, პირდაპირ ეთერში. დაესწრებიან სპეციალისტები, ის წარმომადგენლები, ვისაც ევალება და პასუხისმგებელია. მოხდეს ერთობლივი განხილვა სიტუაციის,“ – განაცხადა მეუფე იოანემ.
გელათის საქმესთან დაკავშირებით გამოძიების დაწყების თხოვნით გელათის სამონასტრო კომპლექსში სარეაბილიტაციო სამუშაოები 2013 წელს დაიწყო და რამდენიმე ეტაპად განხორციელდა. პროექტი ამერიკის საელჩომ და მსოფლიო ბანკმა ორ მილიონ ლარზე მეტით დააფინანსა.
მონასტერი მსოფლიო მემკვიდრეობის ნუსხაში 1994 წელს ბაგრატის ტაძართან ერთად შეიტანეს, თუმცა, ბაგრატის ტაძარზე განხორციელებული სამუშაოების შემდეგ, იგი ნუსხიდან ამოიღეს და საფრთხის შემცველ ძეგლთა სიაში გადაიტანეს. 2017 წელს, ხანგრძლივი ბრძოლის შემდეგ, გელათის მონასტერი ისევ დააბრუნეს მსოფლიო მემკვიდრეობის ძეგლთა სიაში.
