მაქვს დიდი შემართება და ამბიცია, რომ ძალიან წარმატებული წელი იყოს 2022, – ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
მთავრობის მეთურის თქმით, მომავალ წელს მთავრობა მნიშვნელოვანი პროექტების განხორციელებას გეგმავს.
„ბიზნესისთვის, ჩვენი მოსახლეობისთვის ვიწყებთ მაგარ პროექტებს, როგორიც არის სამუშაო ადგილების შექმნის პროექტი, ინფრასტრუქტურა, რეგიონების განვითარება. ვაპირებთ მილიარდი ლარის ინვესტირებას და მომავალ წელს 300 მილიონს დავხარჯავთ „აწარმოე საქართველოს“ პროგრამის ფარგლებში, რომ 1000 საწარმოს თანადაფინანსება გავაკეთოთ. დავალება მაქვს მიცემული, რომ ყველა ტურისტული ადგილი აღვადგინოთ, მინდა, რომ დავიწყოთ გონიო პროექტი. ქუთაისში ვაპირებთ ტექნოლოგიური პარკის გაკეთებას. თბილისშიც გვინდა ფინანსური ცენტრის გაკეთება. ენერგეტიკაში გვინდა, რომ გავამარტივოთ, მოვხსნათ ბარიერები, რომ მეტი მცირე და საშუალო ჰესი აშენდეს. დიდ ჰესებს რა შეეხება, ვფიქრობ, რომ სახელმწიფო უნდა ჩაერთოს ამ პროექტებში, იმიტომ, რომ ნაკლები კითხვები იყოს“, – განაცხადა ირაკლი ღარიბაშვილმა.