პრემიერ-მინისტრის გიორგი გახარიას თქმით, სახელმწიფოს პასუხისმგებლობა კულტურის სფეროს წარმომადგენლების წინაშე უფრო მეტ ყურადღებას საჭიროებს.
„რეალურად, ამ 2 წლის განმავლობაში განსაკუთრებით დღეს, როდესაც მართლა ასეთი რთული ვითარებაა, კულტურის სფეროს წარმომადგენლები მართლაც საჭიროებენ ცალკე ჩამოყალიბებულ სამინისტროს. ჩვენი კულტურა და კულტურული მემკვიდრეობა შეუფასებელია.
შესაბამისად, ჩვენ ყველას კარგად უნდა გვესმოდეს რომ ცალკე სამინისტრო საჭიროა იმისთვის, რომ მოხდეს, როგორც კულტურის განვითარება, ასევე კულტურის შემდგომი კომერციალიზაცია. ამას სჭირდება ცალკე მიდგომა, აუცილებელია ეს, იმიტომ რომ ყველას კარგად გვესმის ჯერ კიდევ ღარიბ ქვეყანაში ვცხოვრობთ, ჩვენი სოციალური პასუხისმგებლობა, სახელმწიფოს პასუხისმგებლობა კულტურის სფეროს წარმომადგენლების წინაშე უფრო მეტ ყურადღებას საჭიროებს.“ – განაცხადა გიორგი გახარიამ.
