19 წლის გიორგი შაქარაშვილის ცხედარს გარეგანი დაზიანებები აღენიშნება, – ამის შესახებ დამოუკიდებელი საექსპერტო ბიუროს ხელმძღვანელი, ალექსანდრე გეჯაძე აცხადებს.

„გუშინ გვამის სრული სასამართლო მედიკური გამოკვლევა ჩატარდა. დაფიქსირდა გარეგანი დაზიანებები.

ექსპერტიზის წინაშე დასმული საკითხების გასარკვევად, რა არის უშუალოდ სიკვდილის მიზეზი და დაზიანებები რა ვითარებაში და პირობებში უნდა მიეღო გარდაცვლილს, ამისთვის გასარკვევია რამდენიმე საკითხი: დაზიანებების ხანდაზმულობა და სიცოცხლეში აქვს მიღებული თუ არა, ამ კვლევას არანაკლებ მინიმუმ 2 კვირიდან 1 თვემდე დრო სჭირდება.

პასუხების მიღების შემდგომ გამოიტანენ საბოლოო დასკვნას, რა არის გარდაცვალების მიზეზი, რა სახის დაზიანებები ჰქონდა და ა.შ.“, – ამბობს ალექსანდრე გეჯაძე „ტვ პირველთან“ საუბრისას.

შეგახსენებთ, 19 წლის ფეხბურთელი, ლუკა შაქარაშვილის ცხედარი მყვინთავებმა მდინარე არაგვში იპოვეს. ბიჭს 4 დღის განმავლობაში ეძებდნენ.