„მიხეილ სააკაშვილს გამოწერილი ჰქონდა პრეპარატი, რომელიც ფსიქიკური პრობლემების მქონე ადამიანებს ენიშნებათ“, – ამის შესახებ ყოფილი პრეზიდენტის დედამ განაცხადა.
გიული ალასანიამ განმარტა, რომ ამ ფაქტთან დაკავშირებით, შესაბამისი დასკვნა ექიმებმა უნდა მოამზადონ.
„ჰქონდა მას დანიშნული პრეპარატი, რომელიც ფსიქიკურად დაავადებულებს ენიშნებათ. პირველად დაუნიშნეს ძალიან მცირე დოზა, 25 მილიგრამი მხოლოდ, მერე ეს დოზა გაიზარდა და უკვე პროცესი რომ ახლოვდებოდა, სადღაც შაბათს, ორი ექიმი იყო მოსული და გაოგნებულები დარჩნენ, იმიტომ რომ ეს დოზა ავიდა 200 მილიგრამზე. ექიმებმა უნდა დადონ თავისი დასკვნა, მე ექიმი არ ვარ, მაგრამ მე რასაც ვხედავ, პირიქით, არის გაუარესება, რეგრესია აშკარად,” – განაცხადა გიული ალასანიამ.
