გრიგოლეთში ხანძარი საცხოვრებელ სახლს გაუჩნდა – ცეცხლის გაჩენის მიზეზი ჯერჯერობით უცნობია. ცეცხლი მეორე საცხოვრებელ სახლსა და ასევე ელექტროსადენებზეც გადავიდა.
სახლი, რომელსაც ცეცხლი თავდაპირველად გაუჩნდა დამსვენებლებზე იყო გაქირავებული. ხანძრის შედეგად არავინ დაშავებულა.
საგანგებო სიტუაციების მართვის სამსახურში აცხადებენ, რომ სამაშველო სამსახურის ბრიგადები უკვე ადგილზე იმყოფებიან და მიმდინარეობს ხანძრის ქრობის სალიკვიდაციო სამუშაოები. სულ 5 სახანძრო ბრიგადა მუშაობს ამ დროისთვის.
