ხელვაჩაურის მერის ჯუმბერ ვარდმანიძის თქმით, „გულწრფელად ნანობს”, რომ ჟურნალისტს აგინა. ამის შესახებ ის სოციალურ ქსელში წერს.
“გულწრფელად ვნანობ ჩემს გადაჭარბებულ ემოციებს და მედიის წარმომადგენლის, ბათუმელების ჟურნალისტის მიმართ გამოთქმულ არაკორექტულ გამონათქვამებს.
ჩემი გაღიზიანება გამოიწვია არასწორმა და ღირსების შემლახველმა ინფორმაციმ, რომელიც ვრცელდებოდა ჩემს შესახებ, თუმცა მიუხედავად ამისა, ვიზიარებ ჩემს პასუხისმგებლობას საზოგადოების წინაშე და კიდევ ერთხელ გამოვთქვამ სინანულს მომხდარის გამო”, – ჯუმბერ ვარდმანიძე.
ვადმანიძემ ბათუმელების ჟურნალისტს გუშინ, 12 ოქტომბერს აგინა.
