ჰაიტის პოლიციაში აცხადებენ, რომ ქვეყნის პრეზიდენტი უცხო ქვეყნის მოქალაქეების დაჯგუფებამ მოკლა. ამის შესახებ BBC-ი წერს.
როგორც პოლიციის უფროსი აცხადებს, ჰაიტის პრეზიდენტის მკვლელობაში კოლუმბიელი და ორი წარმოშობით ჰაიტელი აშშ-ის მოქალაქე მონაწილეობდა. რვა ეჭვმიტანილს პოლიცია ამ დრომდე ეძებს. 17 პირი დაკავებულია.
პოლიციის თქმით, მკვლელების ჯგუფი კარგად იყო აღჭურვილი და ექვსი მანქანით გადაადგილდებოდა.
მომხდარის გამო, ჰაიტიში 15 დღით საგანგებო მდგომარეობა გამოაცხადეს.
ცნობისთვის, ჰაიტის პრეზიდენტი 7 ივნისს საკუთარ რეზიდენციაში მოკლეს. დაიჭრა ქვეყნის პირველი ლედიც, რომელიც საავადმყოფოში გადაიყვანეს.
