ახალი დადგენილებით, ყველა ჰოსპიტალიზირებული ადამიანი, ანტიგენის ტესტით იქნება გამოკვლეული. ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ განაცხადა.
როგორც გამყრელიძე ამბობს, გამოკვლევა ჩაუტარდება ყველა ჰოსპიტალიზირებულს, მიუხედავად იმისა, რა დიაგნოზით იქნებიან ისინი საავადმყოფოში შეყვანილები.
„განისაზღვრა 223 დაწესებულება, რომელიც ამბულატორიულ ტესტირებას ჩაატარებს ქვეყანაში და ამას ემატება ყველა სტაციონალური დაწესებულება. დადგენილებით, რომელიც გუშინ გამოვიდა, განისაზღვრა, რომ ყველა ჰოსპიტალიზირებული ადამიანი, რა დაიგნოზითაც არ უნდა იყოს იგი, გამოკვლეული უნდა იქნეს წინასწარ ანიტგენზე დამყარებული სწრაფი ტესტით“,- განაცხადა ამირან გამყრელიძემ.
