აშშ-ს ყოფილი ელჩი, იან კელი ყარაბაღის შეთანხმებასთან დაკავშირებით საქართველოს პრეზიდენტის, სალომე ზურაბიშვილის მიერ twitter-ზე გამოქვეყნებულ მილოცვას ეხმიანება.
„როგორ შეუძლა საქართველოს პრეზიდენტს შეთანხმების მილოცვა, რომელიც კიდევ ერთხელ ამტკიცებს კავკასიაში რუსეთის კიდევ ერთ ოკუპაციას და ბლოკავს დასავლეთს?“ – წერს იან კელი twitter-ზე.
საქართველოს პრეზიდენტმა სალომე ზურაბიშვილმა განაცხადა, რომ კავკასიაში ახალი ერა იწყება.
ცნობისთვის, ნიკოლ ფაშინიანმა მთიან ყარაბაღში საომარი მოქმედებების შეწყვეტის შესახებ შეთანხმებას ხელი მოაწერა.
მოგვიანებით ყარაბაღში საომარი მოქმედებების შეწყვეტით უკმაყოფილო მოქალაქეები სომხეთის მთავრობის შენობაში შეიჭრნენ.
როგორც ვლადიმერ პუტინმა განაცხადა, სომხეთი და აზერბაიჯანი მთიან ყარაბაღში რუსი მშვიდობისმყოფელების განლაგებაზე შეთანხმდნენ.
რუსეთის თავდაცვის სამინისტროს განცხადებით კი, რუსეთმა მთიან ყარაბაღში 1 960 მშვიდობისმყოფელი და სამხედრო ტექნიკის 470 ერთეული გააგზავნა
