აშშ-ის ელჩი კელი დეგნანი ეუთო/ოდირის მიერ მოსამართლეთა შერჩევის პროცესის მონიტორინგის შესახებ გამოქვეყნებულ მესამე ანგარიშს გამოეხმაურა და გამაცხადა, რომ პარლამენტმა მოსამართლების დანიშვნის პროოცესი უნდა შეაჩეროს.
„არ მქონდა შესაძლებლობა, დაწვრილებით გავცნობოდი ეუთო/ოდირის დასკვნას, თუმცა იგი ეხმაურება იმას, რასაც საქართველოს საერთაშორისო პარტნიორები და მოსახლეობა დიდი ხანია ამბობს. აუცილებელი რეფორმების ინკლუზიური ფართო პროცესი, სანამ დანიშვნების პროცესი დაიწყება. დროებით უნდა შეჩერდეს დანიშვნების პროცესი და ამ ინკლუზიური განხილვების შემდეგ გაგრძელდეს, იმიტომ 19 აპრილს ამაზე შეთანხმდნენ მხარეები და პარტიები.
ეს ძალიან ნათლად და მკაფიოდ არის დაფიქსირებული ამ შეთანხმებაში. გათვლილი არის ის თანმიმდევრობა, რომ თავდაპირველად იქნებოდა ინკლუზიური ფართო პროცესი, დანიშვნები შეჩერდებოდა და შემდეგ განახლდებოდა ახალი კანონმდებლობის ფარგლებში. მე იმედი მაქვს, რომ პარლამენტი გააკეთებს ამას, იმიტომ რომ მას აქვს ამის უფლებამოსილება, განსაკუთრებით ოდირის ამ შეფასების შემდგომ. მნიშვნელოვანია, რომ საზოგადოებას ჰქონდეს ნდობა მოსამართლეების შერჩევის პროცესისა და იმ გადაწყვეტილებების მიმართ, რომლებსაც შემდგომში ეს მოსამართლეები მიიღებენ“, – აცხადებს აშშ-ის ელჩი.
ეუთო/ოდირმა მოსამართლეთა შერჩევის პროცესის მონიტორინგის შესახებ მესამე ანგარიში გამოაქვეყნა.
