“მე ვფიქრობ, რომ კრიზისიდან გამოსასვლელად კარგი ნაბიჯები გადაიდგა, თუმცა ყველაფერი დამოკიდებული იქნება მომავალ კვირებზე და იმაზე, თუ როგორ გადაიდგმება პირველი ნაბიჯები მელიას გათავისუფლებასთან დაკავშირებით”, – ამის შესახებ ევროპარლამენტარმა ანდრიუს კუბილიუსმა განაცხადა.
„ჩვენ გვქონდა შეხვედრა პოლიტიკურ დელეგაციასთან, პარტია „ლელოსთან“ და, რა თქმა უნდა, ჩვენ, პირველ რიგში, ვისაუბრეთ უკანასკნელ მოვლენებზე საქართველოში, შეთანხმების ხელმოწერაზე, რომელიც შეთავაზებული იყო შარლ მიშელის მიერ. ჩვენ მივულოცეთ იმ პოლიტიკურ პარტიებს, რომლებმაც ხელი უკვე მოაწერეს დოკუმენტს. ვიმედოვნებთ, რომ იმპლემენტაციის პროცესი ეფექტური იქნება და კრიზისი დასრულდება.
მე ვფიქრობ, რომ კრიზისიდან გამოსასვლელად კარგი ნაბიჯები გადაიდგა. იმედი მაქვს, რომ „ნაციონალური მოძრაობის“ წევრების უმეტესობაც შეუერთდება დოკუმენტს და არა მხოლოდ ერთი მათგანი, სალომე სამადაშვილის სახით, რომელმაც ხელი მოაწერა. ყველაფერი დამოკიდებული იქნება მომავალ კვირებზე და იმაზე, თუ როგორ გადაიდგმება პირველი ნაბიჯები მელიას გათავისუფლებასთან დაკავშირებით და ვიმედოვნებ, რომ, პირველ რიგში, ეს მოხდება და შემდეგ, საკმაოდ დარწმუნებული ვარ, რომ ოპოზიცია გაიზარებს მის პასუხისმგებლობას საქართველოს წინაშე, რომ მან იფუნქციონიროს, როგორც საპარლამენტო დემოკრატიამ და ისინი შევლენ პარლამენტში, რადგან ძალიან ბევრი მნიშვნელოვანი გადაწყვეტილებაა მისაღები. სწორედ ეს არის პოლიტიკოსების პასუხისმგებლობა
რა თქმა უნდა, ასევე, ბევრი ვისაუბრეთ სამომავლო ნაბიჯებზე საქართველოს ევროკავშირის ინტეგრაციის მიმართულებით. არის ახალი იდეები, რომლებიც ჩვენ გუშინ განვიხილეთ ევრონესტის საპარლამენტო ასამბლეაზე. საქართველო ასრულებს ძალიან მნიშვნელოვან როლს როგორც თავისი პროგრესის წინ წაწევის მიმართულებით, ასევე უხსნის კარს უფრო ფართო შესაძლებლობებს აღმოსავლეთ პარტნიორობის ქვეყნებისთვის ინტეგრაციის მიმართულებით“, – განაცხადა კუბილიუსმა.
