„ქართული ოცნების“ ერთ-ერთი წევრი, კახა კუჭავა საქართველოს მესამე პრეზიდენტის, მიხეილ სააკაშვილის განცხადებას ეხმაურება, რომელმაც თქვა, რომ მაიკ პომპეოს აქციით უნდა დახვდნენ.
კახაბერ კუჭავა იმედს იტოვებს, რომ ამ მოწოდებას ბევრი არ გაიზიარებს.
„ოპოზიციის მხრიდან ძალიან ბევრი არაადეკვატური ქმედებები ვნახეთ ბოლო პერიოდში. დარწმუნებული ვარ ეს მოწოდება ბევრის მიერ არ იქნება გაზიარებული, თუმცა სააკაშვილის და მისი გუნდის სულისკვეთებას კარგად აჩვენებს. იმის მაგივრად, რომ სტრატეგიულ პარტნიორს დახვდე ღირსეულად, ამის მაგივრად აპირებენ აქციით დახვედრას, რას გააპროტესტებენ ესეც თქვან მაშინ“,- განაცხადა კახა კუჭავამ.
ამ საკითხთან დაკავშირებით განმარტება გააკეთა ასევე „სტრატეგია აღმაშენებლის“ ლიდერმა, გიორგი ვაშაძემ. ვაშაძე ამბობს, რომ არანაირი აქცია ამ დღეს არ იგეგმება.
