20 ივნისის აქციაზე იქ ვიყავი, პარლამენტში არავინ იჭრებოდა. ნიკამ ხელებაწეულმა თქვა, შევიდეთო, – ამის შესახებ ისტორიკოსმა ლეილა გაფრინდაშვილმა ვახო ხუზმიაშვილის გადაცემაში „თავისუფალი სივრცე“ განაცხადა.
„მე იქ ვიყავი. იქ შემჭრელი არავინ იყო. ის იყო დეპუტატი და თქვა, ხელებაწეული შევიდეთო. იქ დეპუტატები იდგნენ და იმათ უთხრა. ხალხს კი არ უთხრა, შემომყევითო. ხელი ავწიოთო და ისე შევიდეთო. იქ იარაღი არავის ჰქონდა. შესვლას არავინ აპირებდა. ეს სიტყვის მასალა იყო. მას ამის უფლება ჰქონდა. ის დეპუტატი იყო. მას შეეძლო, რომ იქ შესულიყო,“ – განაცხადა გაფრინდაშვილმა.
შეგახსენებთ, ნიკა მელია 23 თებერვალს დააკავეს.
