საზოგადოებას მინდა შევახსენო, ირაკლი ღარიბაშვილის შინაგან საქმეთა მინისტრობის და პირველი პრემიერობის დროს მოხდა ადამიანების დაიხსნა ცხინვალისა და სოხუმის ციხეებიდან, ზოგ მათგანს 20 წლამდე უკანონო პატიმრობა ჰქონდა მისჯილი და ოჯახები თითქმის უიმედოდ იყვნენ, – ამის შესახებ ექსპერტი ზურაბ ქადაგიძე წერს.
„2013 წლიდან დაიწყო მუშაობა მათი გათავისუფლების საკითხებზე, სადაც ჩართული იყვნენ როგორც სახელმწიფო უწყებები, ასევე ამოქმედებული იყო ყველა ოფიციალური თუ არაოფიციალური არხი. მოხდა უპრეცედენტო ფაქტი და ცხინვალის და სოხუმის ციხეებიდან, გამოყვანილ იქნა 14 გრძელვადიანი პატიმარი“, – ვკითხულობთ ქადაგიძის ფეისბუკ-პოსტში.
